Pupujian
Bismillahirrahmaanirrahiim,
Sobat pena, tulisan ayena ngeunaan pupujian, biasana pupujian teh dikawihkeun di Masjid.mugia mangfaat.
Pupujian
Kakuping soanten adan
ti katebihan
éta téh pan ngagentraan
ngajak solat babarengan
Keur jalmi nu palay bagja
bagja hirupna di dunya
kitu deui ahératna
sing taat kana agama
Urang solat berjamaah
di masjid lain di imah
leuwih gedé pahalana
kitu conto ti nabina
Babarengan jeung tatangga
katut sobat sadayana
manjangkeun tali baraya
silaturahmi ngaranna
Pupujian
Dupi sadayana cai
nu sok dianggo susuci
éta aya tujuh rupi
walungan anu kahiji
Cai laut kaduana
cai sumur katiluna
cai ibun kaopatna
cai és nu kalimana
Cai nyusu kagenepna
cai hujan katujuhna
éta cai sadayana
sok dianggo susucina
Pupujian
Urang solat berjamaah
di masjid lain di imah
leuwih gedé pahalana
kitu conto ti nabina
Babarengan jeung tatangga
katut sobat sadayana
manjangkeun tali baraya
silaturahmi ngaranna
Pupujian
Nabi urang saréréa
Kangjeng Nabi anu mulya
Muhammad jenenganana
Arab Qurés nya bangsana
Ibuna Siti Aminah
ramana Sayid Abdulloh
dibabarkeunna di Mekah
wengi Senén taun Gajah
Ari bilangan taunna
lima ratus cariosna
tujuh puluh panambahna
sareng sahiji punjulna
Medal nabi ahir jaman
pisan-pisan kaanéhan
sesembahan bangsa sétan
kabéh pada arucutan
Belum ada Komentar untuk "Pupujian"
Posting Komentar